S Wetter hed omgschlage ond es esch mehrheitlech windig, chalt ond regnerisch. Somit hani a dem Tag usgschlofe ond be de i Stadt gwatschlet zom chli go shoppe. Es hed do ganz vell so Mall's a la Spreiti ond das esch super well det eschs warm.
Kulinarschis esches do hammer, ech teste fasch jede Tag es anders Sushi-resti ond för zwöschedore heds so Food-Market oder Diversi Fastfoodkettene.
Ofem Heiweg beni no bezeli im Gebiet Greenpoint gsi ond han Stadion vo osse agluegt(nöchst Di. De bo enne) ond mis Hostel för di nöchste 5 Täg buecht. B.I.G. Hostel.Woni zroggcho ben send mini Zimmergspänli am Spieli mache gsi, Bonanza of hollàndisch...hihi
Es hed de au no e chlini Guizarre ond Singsession geh.
13.8.13
Quadtour vo höt esch abgseid worde infolge schlechtem Wetter. Das hed mis Programm chli dorenandbrocht.
Ech be de am Morge is Südafrikamuseum ond Planetarium, esch no spannend gsi Hindergrundinfos vo de Tier ond em Land ugseh wemmer alles in live gseh hed.
Am Nomi beni no bez go poste ond denn bezeli is Tattoostudio. 🙈Ooopps
De tafelberg gsehd momentan au ned so iladend us...
Deför hani set höt de 6er Schlag för mech elei.
Keine Kommentare:
Kommentar veröffentlichen