Südafrika, Kapstadt 2

Sharkdiving (Tauchen mit Haien) war der absolute Knaller!!!

Nach langer Wartezeit gings in einem kleinen Boot 10 min ins Meer hinaus.

Mer händ Neoprenazüg öbercho aber es esch trotzdem merga chalt gsi, Wasser ca. 15 grad ond Luft öpe 18 grad.

2 mol beni imene Gitterchäfig is WAsser ond ha Haie gseh inere Distanz vo 50 cm...Bilder folget

Zobig hani de s Hostel gwechslet, ben jetzt bes am 13.8 im Ashanti Gardens imene 6 BettZimmer.

För veli vo de Tour esches de letscht Obig gsi ond mer send zäme go ässe.

10.8.13

Ofem Programm esch en Tagestour as Kap der guten Hoffnung gstande.

Z'9te (restlechi Lüt vo de Tour) semmer meteme Minibus rechtig Sûde gfahre ond händ landschaftlech gseh mega schöni Sache gseh.

Hout Bay

Ofem Weg hämmer no Halt gmacht bi de Pinguinkolonie.

6 km vorem Kap semmer de omgsattlet of Bike's ond send dor di hammermässig Landschaft gfahre.

Am Kap acho hämmer en Wanderig gmacht vo einere Stond zom nochli höcher ue zgo😉Wonderschöne Tag gsi!

Am Obig semmer go sushi ässe ond spöter is einte Hotel vo 2 Irländerinne wo de letscht Obig gha händ.

11.8.13

Höt hani usgschlofe ond e gmüetleche Tag plant. Be chli dir Stadt gloffe ond dank em schöne Wetter chli chönne im Park hocke. 

Jetzt hani Zyt gha zom skype ond sache plane för i de nöchste Täg....

Ooooooond, ech ha set  2 Mte mis erste Redbull kauft för 1.20 Chf😜

Am Obig beni go wäsche zo de einte is Hotel ond ha de letschte Verbliebene vo de Tour no tschüss gseid.