Namibia, Etosha NP

Scho gli semmer im Etosha Nationalpark acho. Mer send de met eusem Truck 3 Std omegfahre vo eim Wasserloch zom andere. Ond de Absoluti Hammer esch gsi dasmer en Lepard gseh händ.Ond zwar ned eifach nor gseh, sondern 30 min lang us nôchster Nöchi händ chöne gseh wiener en Antilope hed welle jage. Han suuuper Föteli aber of de grosse Cam...

Denn eschs is Hilali Camp gange womer euses Zelt ufgschlage händ ond znacht gmacht händ. Steak met Hördöpfel, Salat, Gmües.

Nachem znacht semmer meteme Bierli, eusne Kameras ond de Stativ zom Campeigne Wasserloch gange wo Tier chömed cho trinke, in freier Natur. Leider hed sech s warte ned meeeega glohnt. Nor en Elefant esch cho i dene 3 Std. Aber wells sooooo still gsi esch, esch s trinke vom Elifant sehr speziell gsi😉

Sitze i de Cabin😉

Am nöchste Tag esches wiiiter gange dor de Park zom nöchste Camp, Okakuejo.

Oooond ech ha set em 30.7 mini Big 5 zäme!!!! Mer händ nämmli am morge es Black Rhino gseh..wohoooo.

Wildebeest

Am Obig im Camp eschs denn ganz krass cho. 20 Elefante ond spöter Rhinos öpe 6, 2 Giraffe, Elifante ond e Leu...ond alles festghalte dank Stativ ond Camera (Danke Ricco).Föteli folged spöter

31.7.13 esches de wiiitergange. 

Nachdem mer no en männleche Leu met 3 jonge gseh händ semmer ine Himbavillage gange. Das esch e Kultur wo fasch nix ahed ond sech rot amooled als Sonneschotz ond Reinigung. Fraue benotzed kei Wasser so dern nor Natursache. Met 10 hürotets ond met ca. 14ni hànds Kind...

Denn esches wiitergange ine Cheetafarm, zersch chli Cheetapetting ond nocher hämmer chöne bi de Füetterig zueluege.

Denn eschs as Znacht gange.Ech be i de Cookinggruppe gsi, esch das mol sehr lustig gsi.S highlight esch gsi dases Ilan geh hed, meeega guets Fleisch.