Namibia, Divundu

Nachere kurze Fahrt hani jetzt au e Stempel i mim Pass vo Namibia. Dasmol esches sogar sehr schnell gange. Was jedoch ned mögli gsi esch esch Geld wechsle. Dasch emmer es riese Theater, tuuusigi vo Type chömed zom Truck ond wänd wächsle. Du hesch aber ke ahnig öbs Geld richtig esch ond de Kurs esch au emmer andersch....

In Namibia esch das aber ned so gsi, niemer det zom Geld wechsle ond au ke Bankomat.

Was sech au weder gànderet hed esch Zyt, ech ha momentan englischi Zyt, also 1 Std minus (vo de CH us gseh).

Im Rainbow-camp acho hani mer för 10.- en Ruum gleistet.

Sogar met eigetem Bad.

Am Nomi hanis gnosse mol nix zmache ond am Pool mis dritte Buech afo zläse. S Camp esch direkt am Fluss ond wonderschön gläge.

Dmöglechkeit vo Wifi heds au geh, es esch sogar so guet gsi dasi ha chöne skype...s erstmol nach 4 woche weder schwiizerdütsch rede-speziell😉.

Am morge esches de früh wiitergange, 5i zmorge ond 6i abfahrt in Etoshapark.

Im gsamte werdi 10 Täg in Namibia sii.