Botswana, Maun, Okavango

Sodeli, in maun acho hani mer 15 min internet gleistet ond es paar Getränk. Denn eschs wiiitergange ofe Zeltplatz, Sitatunga-Campside. Det acho hani zom erste Mol es Upgrade gmacht, 1. well di eint ond ech glich krank send ond wells nor 10 Dollar each...wuhuuuu, 2 richtigi Bett

Znachtässe esch kochet worde ond mer händ de Obig a de Bar chönne gnüsse.

An Morge esches de grad losgange met em chline Rocksack rechtig Okavangodelta.Zersch met em 4x4 1.5 Std fahre ond denn meteme Makoro is Wasser, sehr tricki das Bötli aber meeega idröcklech di ganz Natur.

Denn semmer acho ofeme Stückli Land womer wild zelted händ. Zwösche ganz vellne Hippos. Als Highlight esch secher au s schwömme im Delta gsi, sehr speziell!

Am Morge hämmer en Tour zFuess gmacht im Delta, aso 2 Std Tierli sueche. Mer hànd aber nor Zebras, Hippos ond Giraffe gseh.

Denn eschs met dene Makoros weder zrogg gange...ond das ned ohni nass zwerde. 

Zrogg semmer weder ofem gliche Zeltplatz gsi ond send de grad wiiiter an Flugplatz. Aso es esch freieillig gsi, aber för 70.- 45 min flug öbers Delta...hammer. 

Jetzt gohts wiiiter of Namibia

Botswana, Chobe

Nachere kurze Fahrt semmer scho gli in Botswana acho.

Was eim scho gli uffallt esch dases do ganz andersch esch wie kenya ond Tanzania. Sehr vell westlicher. Bevölkerig esch au nöme so arm. Das heisst aber ned das System do bessere esch. Pro Land gets öpe 70 Sprochene, i Schuel gönd nor 84% ond Aids hed jede 3....

Mer händ zersch mol e Stopp bim supermarket ond em Bankomat geh...Geld esch aber, wie so oft do, kei usecho...

Am morge am 5.45 esches los gange zom GameDrive. Bi abartig chalte Temperature semmer so 3 Std dor de Chobe Nationalpark gfahre. Mer händ ned sooo en super Guide verwötscht, dorom beni nach Serengeti au recht entüscht gsi. Tier hämmer au ned sooo vell gseh😥

Nachdem ech met paarne öber de Mittag i Stadt ben (FastFood go ässe ond Bier poste) semmer alli zäme met 2 gföllte Küehlboxe of es Schiff wo eus ofem Chobe-Fluss onenandgfüehrt hed. Debi hämmer mega vell Tier gseh. De ChobePark esch en sehr sehr schöne Park met vell Wüesti aber au vell Grüenem.

Höt morge esches de wiitergange nach Maun. Strosse do in Borswana send alli mega guet ond langwilig grad😉 So schlofi öpe 4 Std im Truck, esch momentan supi welli 2 Fiebernächt hender mer han...

Lunchtime ofem Wäg nach Maun

Zambia-Livingstone

Boah, ech weiss gar ned wo afange....För nach Zambia hämmer zersch alli mösse es Visum ha.Also 1 std warte ond 50 Dollar usgeh. Denn eschs wiiter gange ine Supermarket i de Stadt Lusaka. Det hani weder Snacks ond Wasser kauft. Ond ha mösse go medis chaufe för mini verkältig...

Am nöchste Tag esches wiitergange nach Livingstone. Scho im Vorfeld hänmer alli Aktivitäte chônne studiere...es ged soooo vell ond sie send au soooo tür😥

Ech hami entschede go River Rafte ond e Microlightflug zmache.

Am 1. Tag semmer de no schnell 2 Std bi de Victoriafalls gsi, es esch eifach unbeschrieblech die riese Wasserfäll.

So semmer am 2. tag nachere chalte Nacht am Morge früeh abgholt worde för in Fluss. Mer send 6 lüt pro Boot gsi ond es hed eus es paarmolu mdreiht. Es esch mega lustig gsi ond hed uh Spass gmacht. Adrenalin pur. Zwöschefore heds au Krokodil im Wasser gha.

Grad aschlüssend semmer met de ganze Gruppe of en Sunsetcruise ofem Fluss Zimbabwe.Esse ond trinke esch alles a discretion gsi. Esch au dorom sehr e lustige Obig gsi.

Höt am morge am 7ni eschs wiitergange, Microlightflug. Dasch so es Tandemdings met Motor.15 min hani buecht ond es esch de Hammer gsi. VicFalls, Elefante, Krokodil....

De Moskelkater vom paddle hed au ned lang of sech lo warte, deom hani höt de Tag chli easy gno. Mer händ no de Truck gwächslet, gwäsche ond Elefante beobachtet vom Zelt us😉

Morn gohts wiiter nach Botswana...

Truck Erlebnisse

Di meisti Zyt (öpe sovell wie schlofe znacht) verbringi im Truck.Ond es esch wörklech ken Bus sondern en LKW. Inneusstattig esch aber wie ime Car.

Meistens so om di 6i oder 7ni fahremer ab.Denn werd zersch mol nochegschlofe...also das heisst mer händ all eusi Utensilie wie Chössi, Trinke, Ässe, Musig etc bi eusem Sitz.

De machemer meistens om di 9ni e Pipi-Stopp im Busch. Nocher hedmer de scho Honger ond goht an Snackvorrat😉

Sosch verbrengi Zyt met Musiglose, Läse oder eifach nome chli useluege. Im Truck selber heds en Küehlbox, en Ufladestation för di elektronische Grät ond au e Schachtle voll Büecher.

SZmittagässe werd meistens neumed am Strosserand parat gmacht.Das heisst 2 Tisch werded föregno ond Gmües ond Toast werd parat gmacht zom Sandwich mache. Mängisch hämmer au no Reste vom Vortag.

Am Nomi bechömedmer meistens chli Infos zom folgende Tag ond Infos zom Land vom Tourguide.

Euse Tourguide heisst Marc ond chond us Andorra, esch ganz en coole!

Malawi-Chitimba-Kande Beach

Sodeli, au ech be öber di Malawisch Grenze cho.Als einzigi hani es Visum benötigt, da ech das vorgängig ned öbercho han esch alles chli länger gange a de Grenze.Met Gedold ond Geld esch de doch alles tiptop gange.

Gäg de Obig semmer am Lake Malawi (3. Gröschte See vo de Welt) imene schöne Beach Camp acho. Ziitzone hed sech au wedr gänderet, han wedr di glich Zyt wie Schwiiz.

Gester hämmer en Freitag gha ond ech hanen demet verbrocht eifach chli sönnele, buech läse, spieli mache, Volley spiele (A alli Mädels; ech ha aso sovell Training för Endi August wie no nie😉) Zuesätzlech hani nochli gwäsche.

I dere Woche ben ech i de Kochgruppe.Es hed Springbock ofem Grill, Hördöpfelstock, Bohne, Gmües ond Solot geh. Als Abschloss hed natürli sgmüetleche Bier ned dôffe fehle.

Höt eschs wiitergange ôber Mzuzu nach Kande Beach.Ofem Wäg hämmer mösse imene chline Dörfli ahte ond warte ond zwar of Präsidentin vo Malawi "Choize". x-Autos händ si begleitet ond mer hànd met vellne Kind am Strosserand gwartet ond gwonke. Do in Afrika döffmer vo velem ke Föteli mache, dorom chani nix zeige. In Mzuzu acho hämmer mösse go Gmües chaufe ofeme riese Märt ond nocher hämmer bi 8 ATM's versuecht Geld usezloh...emmer weder e Aktion wo vell vell Zyt brucht.

In Kandebeach acho hämmer en Villagetour chönne mache.Händ Spital ond Schuel gseh vo dene Bewohner, s Ganze esch eus de aber chli zvell worde, ganz vell Type hànd eus welle begleite...müehsam....

Am Obig hämmer no e Punch gmacht, also eifach Vodka, Rum ond Saft chli gmischt...esch mol e gueti Abwaechslig zom Bier gsi😉

Denn esch mol usschlofe agseid gsi, so guet das halt ime Zelt au goht.Ech ha de bes am 9ni gschlofe.Anderi meteme Kater bes am 12i.De Tag hani de met paarne am Strand gnosse met Läse, chli sii ond Volleyball again😉.

Zom Znacht esch bereits Spannferkel am drölle...yummiii

Nachem Esse hämmer nochli Party gmacht.4 anderi Trucks send au im gliche Camp gsi...ond me glaubts chum, aber ha emmerno ke Schwiizer atroffe😉

Sodeli, jz gohts wiiter nach Zambia, ond weder e neui Währig😉

Malawi esch sehr es schöns Land, mega grüen.De Lake Malawi füllt de gröschti Zeil vom Land us. Lüt send sehr fröndlech.Malawi esch jedoch s drittärmste Land in Afrika. Dezue chond das Sterbensalter bi ca. 40gi lied ond 75% vo de Lüt Aids händ. Vo de Kind goht nor e chline Teil i Schuel.

Tanzania-Zanzibar

Fahrt nach Dar es Salam esch en Usevorderig gsi.15 std im truck.Zmorge am 4i, Zmittag am 12i ond znachtässe am 9ni.Im truck hani versuecht zschlofe, esch aber eher schwerig wells mee Bodewelle hed wie anders.Dorom esch au s läse weggfalle. In Dar es Salam acho  semmer imene ganz geile Camp gsi.Leider esches scho donkel gsi. Nachdem mer wedermol im Dunkle s Zelt ufgstellt händ heds Znacht geh, Beef Stroganoff...mmhmmm.

Am Morge am 5.30 semmer met atucktucks abgholt worde för of Fähri nach Zanzibar. Det acho hämmer grad e Spicetour gmacht, sehr interessant ond fein gsi.

Denn äntli, am Nomittag semmer i euses Hotel brocht worde, direkt am Strand, 2-er Zimmer inkl. Bad(au wenns nor Salzwasser i de Duschi ged).

De Beach esch en Traum ond mer händ de grad e Schwomm ond es Bierli gno. Am Obig heds es BBQ geh direkt am Strand, Amazing!!!

Gester ond höt hämmer no einisch am Beach chönne gnüsse..Go tauche beni ned, ha welle relaxe ond geld spare för de shark dive in kapstadt.

Höt esches denn wiiter nach Stonetown gange.Ganz e cooli Stadt.Mer händ de Sonneontergang gnosse ond send de a Fischmärt was go ässe, ganz geil dete, chasch vo allem chli was neeh obd e Stand wiiter go.S dessert esch e zanzibarpizza gsi met nutella😜

Jetzt beni bereits zrog im Hotel ond freumi morn of de Schnorcheltag met de Delphine.

Denn gohts zrogg as Festland ond wiiter nach Malawi im Zelt😁

Tanzania, Serengeti & Ngorogoro

Ech weiss gar ned wo afange...Also Auto/Truck fahre bestimmt do de Alltag😉Vo Nairobi semmer met eusem Truck of Arusha gfahre, es hed ôpe 6 Std duuret. Im Snake Park, das esch es Camp hämmer de wedr eusi Zelt ufgschlage ond afo choche.Sässe esch super.Hördöpfel met Fleisch ond Gmües oder Curryries...ghôrt alles dezue.

Am nöchste Morge am 6.15 semmer met Landrover abgfahre in Richtig Serengeti.Fahrt esch wedrmol typisch Afrika gsi😉 

Im Serengetipark hämmer am 1. Tag mega vell Tier gseh.Hammergeili Bilder hani dank de super Kamera chönne mache. Übernachtet hämmer zmitzt im Park, kalti Duschi ond megamässige Sternehimmel hànd dezue ghört. Am Morge esches wie gewohnt am 6i losgange of di nöchsti Gamesafari so dasmer am Nomitag rechtig Ngorogoro hànd möge fahre. Das Camp esch 1800 m.ü.M. Met allne Kleider inkl Thermowösch hani Nacht öberstande.Di 2 Leue womer zNacht ghört händ esch de aber s Highlight gsi😉

Was natürlech au ned z kurz chond esch d Gsellschaftleche.Am Obig esch zwar früh Nachtrueh aber so es Bierli ond es Kartespiel lied scho denne.

So, dasch jz mol Kurzfassig, morn gohts am 4.30 los of Dar es Salam.

Nairobi-Kenya

Nacheme agnehme Flug ben ech am Obig am 6i in Nairobi glandet.

Mis Gepäck esch öpe s Letschte gsi ond ech ha scho fasch chli Panik gschobe😉 En nette Fahrer hedmi denn det abgholt. Links istiege esch agseid gsi....

Fahrt esch es Abentür gsi, zersch emol segi Rush hour heder mer gseid....denn send Strosse am Afang no zemmli guet gsi....was denn aber nocher cho esch...aso min Kia hetti nach 50 Meter scho ke Stossdämpfer me gha😉

Im Camp acho hani denn de Zimmerschlössel becho ond no was gässe.Mis Zimmer esch ergend es 4-Bettstudio inkl Bad...

D'Uhr do tickt chli andersch, das hani scho gli môsse merke.Es hed gheisse am 7.30 segi s meeting vo de tour...es esch de wm 11.30 gsi.Aber s Motto do esch sowieso "slowly slowly". 

Jz send au di andere Teilnehmer uftaucht.90% send szwoite do, aber easy lüt.Mehrheitlech Fraue.

Muettersproch England beherrscht eusi Groppe, es set no e Schwizeri cho hani ghört.

Nach de erste Instruktione hämmer alli Zelt ufgstellt ond werded höt drinenne öbernachte.Es esch es easy 2-er Zelt.

Zom abschloss semmer no gschwend go Giraffe küsse😉

S Foti vom Koss folgt, has of de andere Kamera😉